Change Languge
ጋለሪ
ሰለ እኔ

Beyond the pit stood the little wedge of people with the white flag at its apex, arrested by these wonders. It does not get any better than this.

GET CONNECTED
የነፍሴ ውሀ ጥም"

ዘመን ተሻጋሪ የሱዳን ሙዚቀኛ እንዳቀነቀነው. . .

Aug -24 20 - ፖስት አድራጊው አስተዳዳሪ

አብዛኛውን ኢትዮጵያዊ ከሱዳን ሙዚቃ ጋር ያስተዋወቀው ሙሀመድ ወርዲ ከዘፈናቸው ዘመን አይሽሬ የፍቅር ዜማዎች መካከል "ቲስዓት ዓሸር ሰና" አንዱ ነው።

ኢትዮጵያውያን በተለምዶ "ሰበርታ" ብለን የምንጠራው ማለት ነው።

ዓረብኛ ቋንቋን በመጠኑም ቢሆን ለሚረዳ ሰው እጅግ ግልፅና ልብን ሰርስሮ የሚገባ

ዓረብኛ ቋንቋን በመጠኑም ቢሆን ለሚረዳ ሰው እጅግ ግልፅና ሰርስሮ የሚገባ የቃላት አሰዳደር ያለው ዜማ ነው ነው።


የስንኞቹ አንጓ ቃላቶች…

ጥማት፣ ናፍቆት፣ ፍቅር፣ ጥፍጥና፣ ቃጠሎ፣ ትዕግስት ምኞት እና ይቅርታ ሲሆኑ በቃላቶቹ እየተጫወተ የፈጠረው የልመናም አንጀት የመብላትም ገፅታዎች በማሳየት በአድማጩ ልብ ውስጥ የዕውነተኛ ፍቅርን ስሜት ይጭራል።

"ሰበርቱ ወስተነይቱ" … ታግሼ ጠብቅኩሽ በማለት ይጀምራል።

ስላንቺና ስለኔ ብዙ ብዙ የምመኝ ብሆንም ነገር ግን አፍቃሪ በመሆነ መወትወት አልችልም። መወትወት ማስገደድና መጎተት የዕውነተኛ ፍቅር መገለጫዎች አይደሉምና  ብዙ ብፈልግሽም በእጅጉ ብመኝሽም አፍቃሪነኝና ከመጠበቅ ውጪ አማራጭ የለኝም ይላል…

ልቤንም እንዲህስ ስል ላስታግሰው እንጂ… ከመጠበቅ ውጪ አማራጭ የለኝም… ነገ በገነት እስካገኝሽ አረጓጓለሁ። ካንቺ ጋር የዝንት ዓለም ደስታን እመኛለሁ። ከአንቺ ጋር ጣፋጭ ህይወትን ማሳለፍ የዘውትር ምኞቴ ነው። ህልሜ ነሽ ይላታል ለፍቅሩ…

‘ዓጠሽቲ ቀልቢ’ ይህ እጅግ ማራኪ የሆነ ገለፃ አረብኛውን በቀጥታ ብንተረጉመው ‘ልቤን ጠማሽው’ የልቤ ጥማት ነሽ…  ውስጤ ያንቺን የፍቅር ውሀ ካልተጎነጨ አይትፍም የሚል ይመስላል።

‘ጥማት’ን በገለፀበት ስንኝ ውስጥ ‘

"ሳይሽ ሰርክ ይደንቀኛል

ውበትሽ ይደምቅብኛል

ነይና ‘ባክሽ አድኚኝ

አትለይ ፍቅርሽ ጠምቶኛል" የሚል ዓይነት ውርስ ትርጉም ያለው የልመና ድምፀት ያሰማል። የፍቅርን ስቃይ ከክፋት ስቃይ የሚለየው ፈልገው የሚሰቃዩት በመሆኑ ይመስላል። ፍቅር ውበትን በሀይለ ቁጥር እያሳደገ በልብ ውስጥ አንዳች ቦታን ሳያስተርፍ በተፈቃሪው ጉዳይና ጉዳይ መጠመድን ይሻል። ይህ ታዲያ በራስ ላይ የማይበርድ እና ትንግርታዊ የሆነ የስቃይ እሳትን መጫር ነው። በፍቅር መቃጠል አሜን ብለው ከተቀበሉት በኋላ የሚከፍሉትን ማናቸውንም መስዋትነት ሲከፍሉ በደስታ ነው። ሲሰቃዩ በደስታ ነው። ብቸኛ ፍላጎታቸውም ይህን ስቃይ ተፈቃሪው ለርሱ ብሎ የተደረገ መሆኑን ያውቅላቸው ዘንድ ነው። 

እናም በዚህ ዕፁብ ድንቅ ግጥም ውስጥ ያፈቀራትን ሴት ሰርክ ትዋቢብኛለሽ እንደውም ሁል ጊዜም   ዕንቡጥ በሆነው የዕድሜ ክልልሽ እንዳለሽ ሁሉ  የ19 ዓመት ኮረዳ መስለሽ ነው ምትታዪኝ።

19 ዓመት በተለይ በመካከለኛው ምሰራቅ ባህል የሴት ልጅ ውበት የሚጎመራበት እና የሚሰረግት እንደሆነ ይታመናል። ዕውነታውም ለዚህ እጅግ የቀረበ ነው። ዘፋኙም ይህንኑ በመንተራስ አንቺ ለኔ ሰርክ ትዋቢያለሽ ልክ እንደ 19 ዓመት ኮረዳ የፅጌረዳ ውበት፣ አንፀባራቂ ውበት ያየ ሁሉ በግርምት ቆሞ የሚደነቅበት ዓይነት የማይጠገብ ውበት ነው ያለሽ። ለዚህም የልቤ ንግስት እንደሆንሽ ትቀሪያለሽና እባክሽ ጠምተሽኛል። እስካሁን በትዕግስት ጠብቂያለሁና ድረሽልኝ። አትፈሪኝ አትራቂኝ እያለ ዜማውን ይዘጋዋል…

አስተዳዳሪ

Beyond the pit stood the little wedge of people with the white flag at its apex, arrested by these wonders. It does not get any better than this.

ተዛማጅ ፖስቶች

ሊያመልጦት የማይገባዎት ሌሎች ፖስቶች፡፡

አስተያየት የለም

ላይ የነፍሴ ውሀ ጥም"

አስተያየት ይተዉ

የእርስዎ አስተያየት ለእኛ ጠቃሚ ነው ፡፡