Change Languge
ጋለሪ
ሰለ እኔ

Beyond the pit stood the little wedge of people with the white flag at its apex, arrested by these wonders. It does not get any better than this.

GET CONNECTED
"እኔ ውሸቴን ነው" - ፀፀት በዜማ ሲገለጥ

አንዳንድ ሰው በማያገባው ገብቶ ማንቦጫረቅ ይወዳል።

Aug -29 20 - ፖስት አድራጊው አስተዳዳሪ

የሰው ነገር ከባድ ነው። አንዳንድ ሰውማ ጭራሽ በማያገባው ገብቶ ማንቦጫረቅ ይወዳል።

በፍቅር ዓለም ደግሞ እንዲህ ያለውን ወይም እንዲህ ያለችዋን ላፍቅር ተብሎ አይመረጥምና አንዳንድ ጊዜ ካለንበት የኑሮ ዘይቤ አሽቀንጥሮ ይወረውረናል። እጅግ ወደማናውቀው ዓለምም ይከተናል።

አርቲስት ምኒሊክ ወስናቸውም እንዲህ ባለው ወህኒ ተወርውሮ ከማያውቀው ዓለም ለመውጣት እየተፍጨረጨረ ሳለ በዙሪያው ያሉ ወረኞች ስለ ፍቅሩ ይጠይቁታል…

ያላወቀውን፣ ያልገባውን፣ ያላጣጣመውን የፍቅር ዱብዳ እንዴት ይግለጠው? እንዴትስ ይናገረው?

ወረኞችም አልተዉት፣ እርሱም በውል አልተገለጠለት… 



በፍቅራችን መሐል… 

ጥያቄው በዝቶብኝ

እኔ ውሸቴን ነው 

አልወዳትም ያልኩኝ

ብሎ ይጀምራል…


አዲስ ፍቅር እኮ ያሳፍራል፤ እንደውም ግራ ያጋባል። አንዳንዴ አፍቃሪው የሚያሳየው ባህሪይ ለተፈቃሪው እና ለተመልካች ግራ ይሆናል። 

አይቶ መደበቅ፣ በሰፈራቸው ያለ ጉዳይ መመላለስ፣ ያው ተፈቃሪው ሲመጣ ባላየ ማለፍ… ፍቅር ከመግለጥ ይልቅ ካድ አድርጎ በህመሙ መማቀቅ የሚመርጥ ሞልቷል። 

ይሁንና አንዳንዱ እንደ ጋሽ ምኒሊክ ህመሙን መቋቋም ይከብደውና "እኔ ውሸቴን ነው" ሲል በዜማው ፀፀት እንደበላው ይናገራል።

ፍቅር ግትር ያደርጋል፤ እልኽ ውስጥ ይከትና፣ ሳትነግረኝ ወይም ሳይነግረኝ በሚል እሽቅድምድም አጓጉል ርምጃዎች ይወሰዳሉ። 

ይህንን ሲወቅስ አንዱ አፍቃሪ እንዲህ ሲል ተሰኝቷል…

"ትመጣለች ብዬ መሄዱን ብተወው

ተሞሽራ ሄደች ፍቅሯን በሆድ ይዛው"

ታዲያ እንዲህ ያለውን ያልተገባ እፍረትና ያለቦታው የሆነ ኩራት ፍቅርን እስከወዲያኛው ያሳጣቸውና… ኋላ ካለፈ ወዲህ የገፉት ፍቅር ፀፀትና ህመምን ትቶላቸው የሄዱ ብዙ ናቸው።

ታዲያ በ"ውሸቴን ነው" ዜማ ውስጥ ልብ ውስጥ የተቀበረን ፍቅር በማንኛውም ሰው ግፊት እና ውትወታ መተዉ ህመም ሆኖ እንዳሰቃየው ይገልጣል ጋሽ ምኒሊክ።

እንደውም

"ጠያቂው ቢያስጨንቀኝ

ስለፍቅርሽ ትዝታ

አልወዳትም አልኳቸው

እንዲያገኙ ደስታ" በሚለው ስንኝ ውስጥ እርሱ እርሷን እንዳይወዳት፣ በፍቅሯ እንዳይወድቅ የሚፈልጉ አካላት መኖራቸውን ይነግረናል…

በነዚህ ስንኞች ውስጥ የማህበረሰቡን ባህል፣ ማህበራዊ ደረጃ፣ ዘር፣ ሀይማኖት ሁሉ እያስገባን ልናየው የምንችለው ከባድ መልዕክት አለ።

ምን አልባት እንዳይወዳት የፈለጉት የደሀ ልጅ ናትና አትመጥንህም ብለው የሚወተውቱ ቤተሰብ ይኖረው ይሆናል…

ምናልባትም አባትየው ዘሯ ከዘራችን አይገጥምም። ብለው ገፍተዋት ይሆናል።

ምን አልባትም ጓደኞቹ አስቀያሚ ናት አታምርም ብለውት ይሆናል…

ነገር ግን ፍቅር፣ ፍቅር አይፈርድም። ፍቅር እከሌ እንዲህ ነው እከሊት እንዲህ ናት አይልም። 

ይጥልሀል፤ ከዚያ ልክ ባህር ላይ እንዳለህ ሁሉ ወይ ተቀብለኸው ነፃ ሆነህ  ሳትፈራ ትንፈላሰስበለህ፤ እርሱም ያንሳፍፍሀል።

አሊያ ደግሞ ትፈራዋለህ። ትጨነቃለህ። ከዚያም ሰውነትህ ይኮማተርና ለውሀው ትከብደዋለህ፤ ያሰጥምሀልም።

እናማ ጋሽ ምኒሊክ በዘፈኑ ከመፀፀቱ በፊት ያለውን የማህበራዊ የኑሮ ልዩነት ሳይመለከት፣ ለወረኞች ግፊት ሳይወድቅ ፍቅሩን ቢገልጥና ቢቀበለው… እንዲህ ያለ ፀፀት ውስጥ ባልገባ ነበር። 

ማን ያውቃል… ምን አልባት አልጨከነችበት ይሆናል።

ፀፀቱን አይታ፣ ልመናውን ሰምታ የምትመለስለት ሰው ትሆን ይሆናል… ሁለተኛ ዕድል ትሰጠው ይሆናል…

ይሄኔ ያለበትን ፍቅር ረጋጭ የሆነ የባህል እና አጉል ዕምነት ሰንሰለተወ ሰባብሮ ይወጣል። 

የታሰረበት የፍቅር ሰንሰለትም ይሄኔ ወደ የፍቅሩ ጌጥ ይሆንለታል።

አስተዳዳሪ

Beyond the pit stood the little wedge of people with the white flag at its apex, arrested by these wonders. It does not get any better than this.

ተዛማጅ ፖስቶች

ሊያመልጦት የማይገባዎት ሌሎች ፖስቶች፡፡

አስተያየት የለም

ላይ "እኔ ውሸቴን ነው" - ፀፀት በዜማ ሲገለጥ

አስተያየት ይተዉ

የእርስዎ አስተያየት ለእኛ ጠቃሚ ነው ፡፡